வயதான காலத்​தில் பெற்​றோரை பிள்​ளைகள் கவனிக்​கா​விட்​டால் அவர்கள் வழங்கிய சொத்துகள் மீதான தான பத்திரத்தை ரத்து செய்​ய​லாம் என உச்சநீதிமன்ற நீதிப​திகள் தீர்ப்​பளித்​துள்ளனர். மத்திய பிரதேசத்தை சேர்ந்த வயதான பெண் ஒருவரை, தனது மகன் சரியாக கவனிக்க​வில்லை எனவே, மகனுக்கு வழங்கிய சொத்தை மீட்டுத் தர வேண்​டும் எனவும், சொத்து​களுக்கான தான பத்திரப்பதிவை ரத்து செய்ய வேண்​டும் எனவும் மத்திய் பிரதேச. உயர்நீதி​மன்​றத்​தில் வழக்கு தொடர்ந்​தார்.

உயர்நீதி​மன்​றத்தில் விசாரணைக்கு வந்த இந்த வழக்கில், வயதான பெற்​றோரை பிள்​ளைகள் கவனிக்க​வில்லை என்ற காரணத்​துக்காக தான பத்திரத்தை ரத்து செய்ய முடி​யாது. பிள்​ளைகள் கவனிக்​கா​விட்​டால், தானப் பத்திரம் செல்லாது என எந்த நிபந்​தனையை​யும் மனுதாரர் விதிக்க​வில்லை. எனவே, தான பத்திரத்தை ரத்து செய்ய முடி​யாது என வழக்கை தள்ளுபடி செய்​தது.

இந்த தீர்ப்பை எதிர்த்து உச்சநீதி​மன்​றத்​தில் அந்தப் பெண் மனு தாக்கல் செய்​தார். உச்சநீதி​மன்ற விசாரணை, நீதிப​திகள் சி.டி.ரவிக்​கு​மார் மற்றும் சஞ்சய் கரோல் ஆகியோர் அடங்கிய அமர்​வில் நடைபெற்றது. விசாரணை முடிந்து நீதிப​திகள் அளித்த தீர்ப்​பில்,

சட்டத்​தின்படி மட்டுமே ஆராய்ந்து மத்திய பிரதேச உயர்நீதி​மன்றம் தீர்ப்பு வழங்கியுள்ளது. ஆனால், மூத்த குடிமக்​களின் உணர்​வு​களைப் பாது​காக்க வேண்டிய அவசியம் உள்ளது. சொத்துகளை கொடுத்த பிறகு பெற்​றோரை பிள்​ளைகள் கவனிக்காமல் போவது மிகவும் கவலை அளிக்​கிறது. இந்த சூழலில், பிள்​ளைகள் கவனிக்காமல் விட்டால் பெற்​றோர் பராமரிப்பு, நலவாழ்வு மற்றும் மூத்த குடிமக்கள் சட்டத்தின்படி பிள்​ளை​களுக்கு பெற்​றோர் எழுதி கொடுத்த சொத்து ஆவணத்தை ரத்து செய்​ய​லாம். அந்த தான பத்திரத்தை செல்​லாது என்று அறிவிக்​கலாம்.

இந்தச் சட்டம் மூத்த குடிமக்​களுக்கு உதவி செய்​வதற்காக உள்ளது. எனவே, குடும்பத்​தில் இருந்து ஒதுக்​கப்​படும் மூத்த குடிமக்கள் விஷயத்​தில் சட்டத்தை கடுமையாக செயல்​படுத்த வேண்​டும். மேலும், அதில் தளர்​வுகள் காட்டி சட்டத்துக்கு விளக்கம் அளிக்க வேண்​டும். சொத்துகளை எழுதி வைத்​தவருக்கு தேவையான அடிப்படை வசதி​கள், உடல்​ரீ​தியான தேவைகளை சொத்துகளை பெற்​றவர் செய்ய வேண்​டும். அப்படி செய்ய தவறினால், சொத்துகளை எழுதி ​கொடுத்தது செல்​லாது என்று அறிவிக்க ​முடி​யும் என உச்சநீ​தி​மன்ற நீ​திப​தி​கள்​ தீர்ப்​பளித்​தனர்​.