மத்திய அரசு ஊழியர்களின் அகவிலைப்படி, 2 சதவீதம் உயர்த்தப்பட்டுள்ளது.நாட்டில் மொத்தம், 48.41 லட்சம் மத்திய அரசு ஊழியர்கள் உள்ளனர்; 61.17 லட்சம் பேர் ஓய்வூதியம் பெறுகின்றனர். மத்திய அரசு ஊழியர்களுக்கும், ஓய்வூதியதாரர்களுக்கும் வழங்கப்படும் அகவிலைப்படியை, 5 சதவீதத்தில் இருந்து, 7 சதவீதமாக உயர்த்த, ஏழாவது மத்திய ஊதிய குழு பரிந்துரை செய்து இருந்தது. இதன் அடிப்படையில், அகவிலைப்படியை, 2 சதவீதம் உயர்த்தி, மத்திய அரசு உத்தரவிட்டு உள்ளது.