சென்னையில் உள்ள உலகத் தமிழாராய்ச்சி நிறுவனத்தில் உதவித் தொகையுடன் தமிழ்ச் சுவடியியல் மற்றும் பதிப்பியல் பட்டயப் படிப்பில் சேருவதற்கு விண்ணப்பிக்கலாம்.
 சென்னை, தரமணியில் உள்ள உலகத் தமிழாராய்ச்சி நிறுவனத்தில் நூற்றுக்கணக்கான ஓலைச்சுவடிகள் பாதுகாக்கப்பட்டு வருகின்றன. இவற்றை அறிந்து கொண்டு நூலாக்கம் செய்யும் வகையில் தமிழ்ச் சுவடியியல் மற்றும் பதிப்பியல் பட்டயப் படிப்பு உலகத் தமிழாராய்ச்சி நிறுவனத்தில் தொடங்கப்பட்டுள்ளன.
 பட்டயப் படிப்பினை ஆர்வத்தோடு பயில மாணவர்களை ஊக்கப்படுத்தும் வகையில் தேர்வின் அடிப்படையில் 10 மாணவர்களுக்கு ரூ. 3, 000 வீதம் மாதந்தோறும் ஆய்வு உதவித் தொகை வழங்க 2017-2018-ஆம் ஆண்டு தமிழ் வளர்ச்சித் துறை மானியக் கோரிக்கையில் அறிவிக்கப்பட்டது. இதற்கான எழுத்துத் தேர்வு டிச.17-ஆம் தேதி நடைபெறும். இப்பயிற்சிக்கான சேர்க்கைக் கட்டணம் ரூ. 2, 000. இந்தப் பயிற்சிக்கான விண்ணப்பங்கள் தற்போது வழங்கப்பட்டு வருகின்றன.
 பயிற்சிக்கான கல்வித் தகுதி ஏதாவது ஒரு பட்டப்படிப்பில் தேர்ச்சி பெற்றிருக்க வேண்டும். வயது வரம்பு கிடையாது. விண்ணப்பங்கள் வந்து சேர வேண்டிய கடைசி நாள் டிச. 12. வரும் டிச. 20-ஆம் தேதியிலிருந்து வகுப்புகள் தொடங்கும்.
 இதையடுத்து வரும் டிச. 20- ஆம் தேதி முதல் வகுப்புகள் தொடங்கும். இதுகுறித்து மேலும் தகவல் பெற "இயக்குநர், உலகத் தமிழாராய்ச்சி நிறுவனம், இரண்டாம் முதன்மைச் சாலை, மையத்தொழில் நுட்பப் பயிலக வளாகம், தரமணி, சென்னை - 600113, (தொலைபேசி - 044-22542992)' என்ற முகவரியில் தொடர்பு கொள்ளலாம்.