அரசு உயர்நிலைப் பள்ளிகளைச் சேர்ந்த தலைமை ஆசிரியர்கள் 379 பேர் கலந்தாய்வில் பணியிட மாறுதல் ஆணைகளைப் பெற்றனர்.

பள்ளிக் கல்வித் துறையின் கீழ் செயல்படும் பள்ளிகளில் பணியாற்றும் தலைமை ஆசிரியர்கள், ஆசிரியர்களுக்கான பொது மாறுதல் கலந்தாய்வு அந்தந்த மாவட்ட முதன்மைக் கல்வி அலுவலகத்தில் நடைபெற்றுவருகிறது.

அதன்படி அரசு உயர்நிலைப் பள்ளிகளுக்கு அனுமதிக்கப்பட்ட தலைமை ஆசிரியர் பணியிடங்களில் காலியாக உள்ள பணியிடங்களுக்கு மாறுதல் கலந்தாய்வு சனிக்கிழமை நடைபெற்றது.

இதற்காக 642 அரசு உயர்நிலைப் பள்ளித் தலைமை ஆசிரியர்களின் விண்ணப்பித்திருந்தனர். இதில், மாவட்டத்துக்குள் இடமாறுதல்களை 227 பேரும், வேறு மாவட்டத்துக்கு 152 பேரும் என 379 பேருக்கு உத்தரவுகள் பெற்று சென்றனர் என்று பள்ளிக் கல்வி இயக்கக அதிகாரிகள் தெரிவித்தனர்.