டி.பார்ம், போஸ்ட் பிஎஸ்சி படிப்புகளுக்கு விண்ணப்பிக்கலாம் என்று மருத்துவக் கல்வி இயக்ககம் அறிவித்துள்ளது.

செவிலியர் பட்டயப் படிப்பு முடித்தவர்களுக்கான போஸ்ட் பி.எஸ்சி., டி.பார்ம், ஏற்கெனவே டி.பார்ம் முடித்தவர்களுக்கான பி.பார்ம் (lateral entry) ஆகிய படிப்புகளுக்கான விண்ணப்பங்களை www.tn.gov.in,. www.tnhealth.org ஆகிய 2 இணையதளத்திலும் ஜூலை 11-ஆம் தேதி முதல் 21-ஆம் தேதி வரை பதிவிறக்கம் செய்துகொள்ளலாம். நேரடி விண்ணப்ப விநியோகம் கிடையாது.

பூர்த்தி செய்யப்பட்ட விண்ணப்பங்களை சென்னை கீழ்ப்பாக்கம் மருத்துவக் கல்வி தேர்வுக் குழுவுக்கு ஜூலை 22-க்குள் வந்து சேர வேண்டும்.

தரவரிசைப் பட்டியல் ஜூலை 4-ஆம் வாரத்தில் வெளியிடப்பட்டு, ஆகஸ்ட் 2-ஆம் வாரத்தில் மாணவர் சேர்க்கை நடைபெறும் என்று தேர்வுக் குழு அதிகாரிகள் தெரிவித்தனர்.