ஸ்ரீராம் இலக்கியக் கழகம் சார்பில் நடைபெறும் திருக்குறள் பேச்சுப் போட்டி ஜூலை 30 முதல் ஆகஸ்ட் 28 ஆம் தேதி வரை 10 மையங்களில் நடைபெற உள்ளது.  இதில் பங்கேற்க மாணவர்கள் விண்ணப்பிக்கலாம்.

சென்னை இராஜா அண்ணாமலைபுரத்திலுள்ள டாக்டர் எம்ஜிஆர்-ஜானகி கலை அறிவியல் கல்லூரியில் ஜூலை 30ல் போட்டி தொடங்குகிறது.  

இதைத்தொடர்ந்து புதுச்சேரி, மதுரை, நெல்லை, திருவாரூர், திருச்சி, நாமக்கல், கோவை, சேலம், வேலூர், சென்னை உட்பட 10 மையங்களில் ஜூலை 31 முதல் ஆகஸ்ட் 28 வரை நடைபெறுகிறது.  இறுதிச்சுற்று அக்டோபர்-1 ல் நடைபெறும்.

இடைநிலை, உயர்நிலை, மேல்நிலை, கல்லூரி என 4 பிரிவுகளாக போட்டி நடைபெறும்.  போட்டியில் முதல் 3 இடங்களைப் பிடிப்பவர்களுக்கு முறையே ரூ. 10,000, ரூ. 7500, ரூ.5000 என ரொக்கப்பரிசு வழங்கப்படும்.

போட்டியில் பங்கேற்க விரும்புவோர் அருகிலுள்ள ஸ்ரீராம் சிட்ஸ் கிளைகளிலும், ஸ்ரீராம் சிட்ஸ், எண் 145, சாந்தோம் நெடுஞ்சாலை, மயிலாப்பூர், சென்னை- 600 004 என்ற முகவரியிலும் பெற்றுக்கொள்ளலாம்.

அல்லது www.shriramchits.com என்ற இணையதளத்திலிருந்தும் பதிவிறக்கம் செய்து கொள்ளலாம்.  பூர்த்தி செய்யப்பட்ட விண்ணப்பங்கள் ஜூலை 23க்குள் சமர்ப்பிக்க வேண்டும் என ஸ்ரீராம் இலக்கியக் கழகம் வெளியிட்ட அறிக்கையில் கூறப்பட்டுள்ளது.  மாணவர்கள் கலந்துகொண்டு வெற்றி பெற கல்விகுரு.காம் வாழ்த்துகிறது.