ஜனவரி மாதம் முதல் சனிக்கிழமை தோறும் பள்ளிகளுக்கு விடுமுறை அளிக்க வேண்டும் என கோரிக்கை எழுந்துள்ளது. ஜனவரி முதல் பள்ளிகளுக்கு சனிக்கிழமைகளில் விடுமுறை அளிக்க முதலமைச்சரை தமிழ்நாடு அரசு ஊழியர்கள் ஆசிரியர்கள் நல கூட்டமைப்பு சார்பில் வேண்டிக் கேட்டுக்கொள்கிறேன் என அதன் நிறுவனத் தலைவர் சா.அருணன் தெரிவித்துள்ளார்.

பள்ளி மாணவர்களுக்கு தற்போது சுழற்சி முறையில் பள்ளிகள் நடைப்பெற்று வருகிறது. அதாவது ஒருநாள் விட்டு ஒருநாள் மாணவர்களை வரவழைக்கப்பட்டு பள்ளிகள் செயல்பாட்டு வருகிறது, மேலும் கொரோனா தொற்று பரவல் குறைந்து வருவதால் வருகின்ற ஜனவரி மாதம் 3ம் தேதி முதல் சுழற்சி முறையை ரத்து செய்து மாணவர்களை அனைத்து நாட்களிலும் ( ஞாயிற்றுக்கிழமை தவிர்த்து) பள்ளிக்கு வர உத்தரவு பிறப்பிக்கப்பட்டுள்ளது,

ஏற்கனவே அரசு பள்ளி மாணவர்கள் சனிக்கிழமைகளில் 40% கீழ்தான் வருகை தருகிறார்கள். மாணவர்களுக்கு தொடர்ச்சியாக 6 நாட்கள் பள்ளிக்கு வருவதால் பல்வேறு சிரமங்கள் இருக்கிறது. இதனை கருத்தில் கொண்டு ஜனவரி மாதம் முதல் சுழற்சி முறை ரத்து செய்து தொடர்ச்சியாக மாணவர்கள் பள்ளிக்கு அழைக்கப்படும் பட்சத்தில் சனிக்கிழமை தோறும் பள்ளிக்கு விடுமுறை அளிக்க மாண்புமிகு தமிழ்நாடு முதலமைச்சர் அவர்களையும் மாண்புமிகு பள்ளிக்கல்வித்துறை அமைச்சர் அவர்களையும் தமிழ்நாடு அரசு ஊழியர்கள் ஆசிரியர்கள் நல கூட்டமைப்பு சார்பில் வேண்டிக் கேட்டுக் கொள்கிறேன் என்று சா.அருணன் தெரிவித்துள்ளார்.