தனித் தேர்வர்களுக்கான எட்டாம் வகுப்பு தேர்வு நவம்பர், 8 முதல் நடத்தப்படும் என அறிவிக்கப்பட்டுள்ளது.

அரசு தேர்வுத் துறை இயக்குனர் அவர்கள் வெளியிட்ட செய்திக்குறிப்பு தனி தேர்வர் களுக்கான, எட்டாம் வகுப்பு பொதுத்தேர்வு, நவம்பர் 8 முதல் 12 வரை நடத்தப்படும்.இதில் பங்கேற்க விரும்புவோரின் வயது அக்டோபர் 1ல் 12 ஆண்டு, ஆறு மாதங்கள் முடிந்திருக்க வேண்டும்.

தகுதியுள்ளவர்கள் அக்டோபர் 11 முதல் 18 வரை தேர்வுத் துறை சேவை மையங்களுக்கு நேரில் சென்று, ஆன்லைன் வழியில் பதிவு செய்யலாம். சேவை மைய முகவரிகளை, www.dge.tn.gov.in என்ற இணையதளத்தில் தெரிந்து கொள்ளலாம். இந்த காலகட்டத்தில் விண்ணப்பிக்க தவறியவர்கள், 20ம் தேதி தட்கல் சிறப்பு திட்டத்தில் கூடுதலாக 500 ரூபாய் கட்டணம் செலுத்தி விண்ணப்பிக்கலாம்.

விரிவான தகவல்கள் மற்றும் தேர்வு அட்டவணையை, www.dge.tn.gov.in என்ற இணையதளத்தில் தெரிந்து கொள்ளலாம்.இவ்வாறு அதில் கூறப்பட்டுள்ளது.