காஞ்சிபுரம் மாவட்டம் பெருநகர் ஆதித்தியா மெட்ரிக் பள்ளியில் 21.03.2019 அன்று உலக சாதனை நிகழ்ச்சி நடைபெற்றது. அதில் அப்பள்ளியின் 9 ஆம் வகுப்பு மாணவி ச. நாசியா என்பார் ஒருநிமிடத்தில் 40 திருக்குறள் கூறி உலக சாதனை படைத்துள்ளார். இதற்கு முன்னர் நிமிடத்திற்கு 15 திருக்குறள் கூறியதே சாதனையாக இருந்தது. காஞ்சிபுரம் மாவட்ட சப் கலெக்டர் திரு . சரவணன் அவர்கள் உலக சாதனை படைத்த மாணவி ச. நாசியாவிற்கு பரிசும் உலக சாதனைக்கான சான்றிதழும் வழங்கி கௌரவித்தார். நிகழ்ச்சியில் காஞ்சிபுரம் மாவட்ட திட்ட இயக்குநர் ஸ்ரீதரன், பள்ளியின் தலைவர் Dr க. அழகு நடேசன் , துணைத் தலைவர் Dr. செந்தில்குமார் மற்றும் செயலாளர் திரு. விஸ்வநாதன் ஆகியோர் கலந்து கொண்டு சிறப்பித்தனர். முன்னதாக பள்ளியின் முதல்வர் மதிவாணன் வரவேற்புரை நிகழ்த்தினார். 100% வாக்கு பதிவிற்கு விழிப்புணர்வு ஏற்படுத்தும் விதமாக சுமார் 1000க்கும் மேற்பட்ட மாணவர்கள் 100% VOTE என்ற வாசகத்தில் நின்றும் பிளாஸ்டிக்கை ஒழிக்கும் விதமாக 2000 துணிப்பைகளை கைகளில் ஏந்தியும் விழிப்புணர்வு ஏற்படுத்தினர்.