ஜே.இ.இ., நுழைவுத் தேர்வுக்கான ஆன்லைன் விண்ணப்பப் பதிவு டிச.1ஆம் தேதி முதல் துவங்கியது.

ஐ.ஐ.டி., மற்றும் என்.ஐ.டி., நிறுவனங்களில், பி.இ., - பி.டெக்., போன்ற தொழில்நுட்ப பொறியியல் படிப்பில் சேர்வதற்கான எழுத்துத் தேர்வு விண்ணப்பங்கள் வெளியிடப்பட்டுள்ளன.

சி.பி.எஸ்.இ., வாரியம் சார்பில் ஆண்டுதோறும் நடத்தப்படும் ஜே.இ.இ., நுழைவுத் தேர்வுக்கான விண்ணப்பப்பதிவு நேற்று முதல் துவங்கியது. ஜே.இ.இ. மெயின் எழுத்துத் தேர்வில் கலந்துக் கொள்ள விரும்பும் மாணவர்கள் http://www.jeemain.nic.in என்ற அதிகாரப்பூர்வ இணையதளத்தில் ஆன்லைன் மூலம் விண்ணப்பிக்கலாம் என தெரிவிக்கப்பட்டுள்ளது.

இந்த விண்ணப்பங்களை பூர்த்தி செய்து அனுப்ப ஜனவரி 1ஆம் தேதி கடைசி நாளாகும். மேலும், ஆன்லைன் தேர்வுக் கட்டணத்தை செலுத்த ஜனவரி 2ஆம் தேதி கடைசி நாள் எனவும் அறிவிக்கப்பட்டுள்ளது.