ஆசிரியப் பணியையே உயிர் மூச்சாகக் கொண்டு மாணவச் சமுதாயத்தை உயர்த்த அல்லும் பகலும் அயராது பாடுபட்டுக் கொண்டிருக்கும் ஆசிரிய சமுதாயத்தை தலைதாழ்த்தி வணங்குகிறோம்.  உங்களின் கல்விப்பணி மென்மேலும் சிறப்படைய கல்விகுரு.காம் இணையத்தின் நல்வாழ்த்துக்கள்.  மேலும் இன்று டாக்டர். ராதாகிருஷ்ணன் விருது பெரும் அனைத்து ஆசிரியப் பெருமக்களுக்கும் எங்களது வணக்கங்கள்! வாழ்த்துக்கள்!!

அகர முதல சொல்லித் தந்த எங்கள் ஆசிரியரே... 
அடக்கம்தனை அறிய வைத்த எங்கள் ஆசிரியரே...
ஆசை தீர பாடுகிறோம் உங்கள் புகழையே..!

இனிய தமிழ் பயிற்றுவித்த  எங்கள் ஆசிரியையே...
இனிய கதை சொல்லித்தந்த  எங்கள் ஆசிரியையே...
ஈன்ற தாயைப் போல நாங்கள் வணங்குவோம் உம்மையே..!

உலக மொழி ஆங்கிலத்தை அறிய வைத்த எங்கள் ஆசிரியரே...
உண்மைதனை எடுத்துரைத்த எங்கள் ஆசிரியரே...
ஊர் கேட்க  சொல்லிடுவோம்  உங்கள் பெருமையே..!

எண் கணிதத்தை கற்றளித்த எங்கள் ஆசிரியையே...
எளிமைதனை எமக்களித்த எங்கள் ஆசிரியையே...
ஏற்றிடுவோம் உன் புகழை உலக ஏட்டினிலே..!

ஐம்புலனும் அறிவியலை அறியவைத்த எங்கள் ஆசிரியரே...
ஐயங்களை நீக்கி வைத்த எங்கள் ஆசிரியரே...
ஒழுக்கம் கற்று நிற்கின்றோம் உங்கள் அன்பு முறையிலே..!

ஓர் நிலை சமூகஅறிவியலை படிக்க வைத்த எங்கள் ஆசிரியையே...
ஓர்குலம் நாமெல்லாம்  என்றுரைத்த எங்கள் ஆசிரியையே...
ஔவை போல கற்று தெளிந்தோம் உங்கள் வழியிலே..!

எஃகு போல் உடற்கல்விதனை உய்ய வைத்த எங்கள் ஆசிரியரே...
(எ)ஃகணமும் தொழுது நிற்போம் உந்தன் பணியையே..!
                                                             

(செப்டம்பர் 5 அன்று ஆசிரியர் தினம், இந்நாளில் ஆசிரியப் பெருமக்கள் அனைவருக்கும் கல்விகுருவின் சிரம் தாழ்ந்த வணக்கங்கள், நன்றிகள் உரித்தாகட்டும்... வாழ்க ஆசிரியர் குலம்...)