அரசுத் தேர்வுகள் இயக்ககம், சென்னை - 600 006 இடைநிலைப் பள்ளி விடுப்புச் சான்றிதழ் பொதுத் தேர்வு, மார்ச்/ஏப்ரல் 2016 மறுகூட்டல் முடிவுகள் வெளியிடுதல் குறித்த செய்திக் குறிப்பில் கூறப்பட்டுள்ளதாவது:

    நடைபெற்ற மார்ச்/ஏப்ரல் 2016 எஸ்.எஸ்.எல்.சி பொதுத் தேர்வு எழுதிய மொத்த மாணவர்களின் எண்ணிக்கை 10,72,225 ஆகும். மறுகூட்டலுக்கு விண்ணப்பித்த தேர்வர்களின் எண்ணிக்கை 9750 ஆகும். மறுகூட்டல் செய்யப்பட்ட விடைத்தாட்களின் எண்ணிக்கை 22,356 ஆகும்.  இதில் மதிப்பெண் மறுகூட்டலில் மாற்றம் உள்ள விடைத்தாட்களின் எண்ணிக்கை 451 ஆகும்.
மேற்படி தேர்வர்களுக்கு மாற்றம் செய்யப்பட்ட மதிப்பெண்களை பதிந்து மதிப்பெண் சான்றிதழ் வழங்கிடும் தேதி பின்னர் அறிவிக்கப்படும்.
    மதிப்பெண் மாற்றம் உள்ள தேர்வர்களது பதிவெண்கள் பட்டியல் www.tndge.in என்ற இணையதளத்தில் 30.06.2016 வியாழக்கிழமை பிற்பகல் வெளியிடப்படும்.  மதிப்பெண் மறுகூட்டலுக்கு விண்ணப்பித்து இப்பட்டியலில் இடம்பெறாத பதிவெண்களுக்கான விடைத்தாட்களில் மதிப்பெண்களில் எவ்வித மாற்றமும் இல்லை என அறிவிக்கப்படுகிறது.