ஆதிதிராவிடர் நலப்பள்ளி ஆசிரியர்களுக்கான பொது மாறுதல் கலந்தாய்வு, 28ம் தேதி முதல் இரண்டு நாட்கள் நடக்க உள்ளது. ஆதிதிராவிடர் நலத் துறையின் கீழ் இயங்கும், ஆதிதிராவிடர் நல மேல்நிலை, உயர்நிலை, நடுநிலை, ஆரம்பப் பள்ளி தலைமை ஆசிரியர்கள் மற்றும் முதுகலை பட்டதாரி ஆசிரியர்கள், கணினி பயிற்றுனர், உடற்கல்வி இயக்குனர், உடற்கல்வி ஆசிரியர் பதவிகளுக்கு கலந்தாய்வு நடக்கிறது.

மறுநாள் பட்டதாரி ஆசிரியர், தமிழாசிரியர், இடைநிலை ஆசிரியர் பதவிகளுக்கு, மாவட்டத்திற்குள் மற்றும் மாவட்டம் விட்டு மாவட்டம் மாறுதல் பெற கலந்தாய்வு நடக்க உள்ளது.இரண்டு நாட்களும் காலை 10:00 மணிக்கு, அந்தந்த மாவட்ட ஆதிதிராவிடர் மற்றும் பழங்குடியினர் நல அலுவலகத்தில், பொது மாறுதல் கலந்தாய்வு நடக்கும். பணியிட மாறுதல் கோரி, ஆன்லைனில் பதிவு செய்து விண்ணப்பித்தவர்கள் மட்டும் கலந்தாய்வில் பங்கேற்கலாம்.